Un grupo de científicos é enviado ao planeta Arkanar para axudar a civilización local, que está na fase medieval da súa propia Historia, a atoparen a vía correcta cara ao progreso. A súa tarefa é difícil: non poden recorrer á violencia e en ningún caso matar. O científico Rumata trata de salvar os intelectuais do seu castigo e non pode evitar tomar partido. Como se a pregunta fose: que farías ti no lugar de Deus? O director Aleksei German quixo facer este filme toda a súa vida. O camiño foi longo. Este non é un filme sobre a crueldade, senón sobre o amor. Un amor que estaba aí, tanxíbel, con vida, e que resistiu nas condicións máis duras.