En 2015, Ossamah Al Mohsen e o seu fillo de 8 anos foron vítimas dunha cambadela na fronteira de Hungría por parte dunha reporteira de televisión na súa desesperada fuxida dunha Siria en guerra. As cámaras captaron este intre e a imaxe viralizouse, convirténdose nunha dos iconas máis vergoñentas do conflito que escandalizou a opinión pública. Porén, esta agresión permitiu a Ossamah, famoso adestrador de fútbol no seu país, chegar a Madrid como refuxiado canda o seu fillo pequeno e retomar a súa profesión. Mais o resto da súa familia non tivo a mesma sorte: Ossamah vive afastado da súa muller e os seus outros tres fillos, sen visado en Turquía e sen posibilidade de voar a Europa.