Mentres un pai desesperado tenta pescudar que causou a morte da súa filla de cinco anos, o estoico inspector Erlendur investiga o asasinato dun ancián solitario nun humilde apartamento subterráneo. O inspector e o seu equipo non teñen moitas pistas, pero a fotografía dunha moza nunha tumba dálles un lugar onde comezar. Pronto descobren que moitos anos atrás a vítima foi acusada —pero non condenada— de participar nunha violación en grupo, e destaparán así unha historia de corrupción policial e brutalidade. Volveu o pasado para saldar contas? A medida que Erlendur reabre este caso arquivado, a investigación lévao a un inusual rastro de evidencias forenses, e a revelar segredos que se tecen na historia xenética dun país enteiro. Baseada na novela policial do celebrado escritor islandés Arnaldur Indridason, o filme explora con habilidade as íntimas relacións que unen os habitantes dun país homoxéneo e illado. Foi un éxito de público no seu país e resulto gañadora en múltiples festivais, entre outros, Karlovy Vary (2007).