En 1978, cando o autodenominado Proceso de Organización Nacional da Arxentina xa levaba dous anos, un grupo de militantes exiliados, da organización revolucionaria Montoneros, idearon «a contraofensiva montonera», un plan para regresar e loitar contra a ditadura. Para levalo a cabo, os militantes crearon La Guardería, unha casa na Habana onde crecerían seguros os seus fillos ao coidado de compañeiros da organización. A directora, unha das nenas de La Guardería, ofrécenos imaxes de arquivo e o testemuño daqueles nenos que sendo xa adultos, analizan coa perspectiva dos anos todo o vivido nesa época.