Sara (Greta Fernández) estivo soa toda a súa vida. Ten 22 anos e un bebé, o seu desexo é formar unha familia normal xunto ao seu irmán pequeno e o pai do seu fillo. O seu pai, Manuel (Eduard Fernández), logo de anos de ausencia e ao saír do cárcere, decide reaparecer nas súas vidas. Sara sabe que el é o principal obstáculo nos seus plans e toma unha decisión difícil: afastalo dela e do seu irmán.

A filla dun ladrón é a primeira película na que actúan xuntos Eduard e Greta Fernández, interpretando os seus papeis da vida real, pai e filla.