Nova versión, remontada en 2011 polo cineasta Pere Portabella, produtor do filme orixinal, do imprescindíbel Lejos de los árboles realizado por Jacinto Esteva en 1972. O filme, que estabelece un percorrido polas tradicións máis escuras da xeografía española, de Marín a Almonte, exhibirase no Cinema NUMAX nunha copia en DCP 2K preparada especialmente para a ocasión por Daria Esteva / Únicamente Severo Films. É a primeira vez que esta copia dixitalizada se exhibe nunha sala comercial en España, logo do seu percorrido por museos e filmotecas desde 2011 con exhibición en bluray ou 35mm.