Nacida en Irlanda, Lola (Martine Carol) foi a amante de grandes homes como o músico húngaro Franz Liszt ou Luis I de Baviera. Xa no ocaso da súa carreira, traballou nun circo de Nova Orleáns, Louisiana, onde realizaba un número acrobático mentres un mestre de cerimonias (Peter Ustinov) narraba ao público a súa escandalosa vida.

Copia restaurada en 4K que recupera a montaxe orixinal da última obra mestra de Max Ophüls. O traballo de restauración foi comandado pola Cinemateca Francesa e supervisado por Marcel Ophüls, fillo do cineasta. A estrea da nova fita tivo lugar na sección Cannes Classics de 2008.