Francia, verán de 1891. O mozo Armand recibe unha carta de seu pai, o carteiro Joseph Roulin, para entregala en man en París ao irmán do seu amigo Vincent Van Gogh. Pero en París non hai rastro de Theo, do que contan que morreu pouco tempo despois de que o seu irmán Vincent se quitara a vida. Así comeza Loving Vincent, a primeira película realizada ao óleo da historia do cinema. A través de máis de 65.000 fotogramas animados, pintados a man por artistas de todo o mundo, a película dá vida aos cadros de Van Gogh percorrendo a misteriosa vida do pintor a través das cartas que con frecuencia escribía aos seu irmán pequeno Theo.

Filme subtitulado ao galego por NUMAX grazas á colaboración da Secretaría Xeral de Política Lingüística da Xunta de Galicia.