A viaxe espiritual dun home de noventa anos. Cunha saúde de ferro, Lucky sobreviviu máis que os seus contemporáneos, o que o anima a reformular a súa vida e buscar unha revelación. O último traballo de Harry Dean Stanton (célebre polos seus papeis en París, Texas, Alien ou Twin Peaks) é unha tenra fábula existencialista. Na barra dun bar e con Johnny Cash soando de fondo, reencóntrase con algúns dos colegas que marcaron a súa vida (a do personaxe do filme e a do propio actor). Entre eles destaca David Lynch nun dos papeis principais.