Tras se enterar do suicidio de Bernal, Humberto reúne logo de moitos anos a Cristian, Daniel e Gabriela para cumprir o que interpreta como a derradeira vontade do defunto: resolver os conflitos que os alonxaron ao rematar a escola. Obsesionado cun vídeo testemuñal de Bernal onde se poderían ocultar as razóns do seu suicidio e culpándose por desatender a mensaxe no momento apropiado, Humberto embárcase nun exercicio de memoria sobre un pasado que talvez é hora de transcender. 

Rodrigo Moreno del Valle (Lima, Perú, 1983)
Director de cinema, produtor executivo en Arrebato Cine e docente cinematográfico na escola peruana de cine e artes visuais EPIC. [Wi:k], a súa ópera prima, foi estreada no 18 BAFICI, e exhibida en diversos festivais e mostras en Chile, Arxentina, México, Colombia, Brasil e Bolivia. LXI é a súa segunda longametraxe.