Maixabel Lasa perde no ano 2000 ao seu home, Juan María Jaúregui, asasinado por ETA. Once anos máis tarde, recibe unha petición insólita: un dos asasinos quere entrevistarse con ela no cárcere de Nanclares de la Oca en Álava, onde cumpre condena tras ter roto os seus lazos coa banda terrorista. A pesar das dúbidas e da inmensa dor, Maixabel Lasa accede a atoparse cara a cara coas persoas que acabaron a sangue fría coa vida de quen fora o seu compañeiro desde os dezaseis anos.