Unha inmensa pradeira, no leste de Francia, acolle un encontro de amantes do estilo de vida country e do lonxano Oeste americano. Alain baila coa súa filla Kelly, de 16 anos, mentres a súa esposa e o fillo pequeno da familia, Kid, míranos desde un segundo plano. Pero ese mesmo día Kelly desaparece e a familia vénse abaixo. Alain emprende unha búsqueda sen tregua para encontrar a súa filla, aínda que lle custe todo o que ten e o leve a percorrer lugares remotos: lugares sinistros e inquietantes nos que o único apoio darallo Kid, que sacrifica a súa xuventude para acompañar a seu pai nunha misión que parece interminábel.