Moby Dick é o relato dunha busca imposíbel a través das incertas paisaxes da Barcelona postindustrial. Nela aparecen e desaparecen formas de vida difíciles de apreixar que nos aproximan a uns personaxes escorregadizos. Personaxes que mercadean con cascallos, rouban, xogan, transitan cárceres, fábricas abandonadas e feiras. Personaxes que dispoñen de tempo abondo para posar diante dunha cámara estenopeica, pero que non poden ficar parados, polo que a súa imaxe se revela sempre borrosa.