Adaptación da inacabada ópera bíblica de Arnold Schoenberg, sobre o libro do Éxodo. Rodado en Italia e Exipto, o filme mantén a natureza inacabada da ópera orixinal, consistindo o terceiro acto nunha única toma sen música. É unha das tres películas que Straub e Huillet dirixiron baseadas en obras de Schoenberg, canda a curtametraxe coa que se proxecta Moisés e Aarón e De la noche a la mañana (1997).

A sesión completarase coa proxección da curtametraxe Introdución a «Música de acompañamento para a escena dun filme» de Arnold Schoenberg (1972, 15')

*NOTA: A sesión pode ter un subtitulado particular con certas frases ou fragmentos sen subtítulos. Isto non se debe a ningún erro, senón á maneira en que Straub e Huillet querían que se subtitulasen os seus filmes.