Un conto de Michel de Montaigne (Un conte de Michel de Montaigne, 35', 2013, VOSE)
Barbara Ulrich le un ensaio de Montaigne mentras Straub, intercala imaxes dun monumento ao escritor e fundidos en negro, onde semellan confluír as historias non diluídas do cinema e a literatura.

Un herdeiro (Un héritier, 21', 2011, VOSE)
Segundo filme de Straub sobre a súa rexión natal, Alsacia, a partir do texto de Maurice Barrès Al servicio de Alemania. O protagonista do filme vaga polo monte seguindo a pista dun doutor rural.

A propósito de Venecia (À propos de Venise, 24', 2014, VOSE)
Gloria e destrución da gran República (de Venecia): os motivos son múltiples, complexos, históricos e psicolóxicos, humanos e demasiado humanos. Son os mesmos ingredientes, de cuxa mestura e evolución depende se a actual Europa sobrevivirá?

Diálogo de sombras (Dialogue d'ombres, 28', 2013, VOSE)
Homenaxe a Danièle Huillet, compañeira e codirectora de Jean-Marie Straub, falecida en 2006. Está asinada tamén por ela e datada entre 1954, ano en que Straub e Huillet se coñeceron e leron o texto de Georges Bernanos en que se basea, e 2013, cando Straub filmou a Bertrand Brouder e Cornelia Geiser, protagonistas-lectores do texto.