Debido a un trauma infantil, Kevin (James McAvoy) sofre trastorno de identidade disociativo (DID), máis coñecido como trastorno de personalidade múltiple. Dentro del conviven 23 identidades diferentes. Entre elas, están as personalidades de Barry, un aspirante a deseñador de moda; Dennis, un obsesivo-compulsivo ao que sempre subestimaron; Hedwig, un neno traste de nove anos de idade e Patricia, unha muller de gran autoridade que actúa de forma sospeitosamente amábel. Para facer fronte á esquizofrenia Kevin recibe a axuda da doutora Fletcher (Betty Buckley), unha psiquiatra que dedicou a súa vida á defensa das persoas con DID.