Un mozo galego migra a Suecia, onde desempeña varios traballos a tempo parcial mentres trata de emprender a súa carreira cinematográfica. A aprendizaxe dun novo idioma e a súa fascinación por unha paisaxe insólita convértense axiña en dous estímulos fundamentais fronte ás dificultades do seu proceso de adaptación no novo país. Mediante a documentación constante do seu novo hábitat, os seus diversos oficios, e as súas novas relacións, Domínguez Serén reflexiona sobre a súa nova condición de emigrante-inmigrante.

***

Antes de No Cow on the Ice proxectarase a curtametraxe Hacked Cirtuit, dirixida pola cineasta norteamericana Deborah Stratman. A proxección conta coa colaboración de Curtocircuíto. Festival Internacional de Cine de Santiago de Compostela, no que Hacked Circuit foi proxectada na edición de 2013.