No Home Movie ten a proximidade dun filme doméstico e as súas maneiras para rexistrar os últimos días da nai da directora, supervivente polaca de Auschwitz. Un vínculo roto que supón a perda definitiva do fogar para Akerman, nómade por vocación e, a partir de agora, sen remedio.

O filme estrutúrase a partir de entrevistas a Natalia Akerman, unha muller xa moi maior e supervivente da II Guerra Mundial e o nazismo, realizadas pola súa filla antes de que a súa nai morrera no ano 2013.