Puro vicio é o sétimo filme de Paul Thomas Anderson e a primeira adaptación cinematográfica dunha novela de Thomas Pynchon. Os psicodélicos 60 esmorecen e a paranoia está á orde do día. Doc sabe que «amor» é outra desas palabras que andan dando voltas por aí, coma «trip» ou «groovy», e que se están a empregar demasiado. Cunha galería de personaxes que inclúe surfistas, estafadores, drogadictos e rockeiros, un usureiro asasino, detectives do Departamento de Policía de Los Ángeles, un saxofonista tenor que traballa de incógnito e unha entidade misteriosa coñecida como Golden Fang (Cabeiro Dourado) que tal vez só sexa unha evasión de impostos levada a cabo por uns dentistas... Parte surf noir, parte farsa psicodélica; puro Thomas Pynchon.