Na fermosa casa de verán familiar, Aurore celebra o seu 70 aniversario rodeada dos seus catro fillos. Jean-Pierre é o maior e asumiu o rol de cabeza de familia desde a morte de seu pai; Juliette, de 40 anos, está embarazada do seu primeiro fillo e desexa converterse en escritora; Margaux, a artista da familia, é unha talentosa fotógrafa que aspira a chegar ao máis alto e Mathieu, o máis novo, soña con seducir a súa compañeira de traballo Sarah. Un día, un deles tomará unha decisión que cambiará a vida dos demais para sempre.

Quixera que alguén me esperara nalgures é a adaptación libre da publicación de relatos curtos homónima da exitosa escritora francesa Anna Gavalda.