O psicoterapeuta Ruben Brandt sofre pesadelos violentos inspirados en 13 obras de arte famosas, incluídas «Retrato do carteiro Joseph Roulin» de Van Gogh, a «Venus de Urbino» de Tiziano e «Muller con libro» de Picasso. Catro dos seus pacientes, que son ladróns expertos, ofrécense a roubar as obras, xa que cren que unha vez que as posúa han desaparecer os pesadelos. El acepta o plan e eles cóanse en museos e galerías de arte de todo o mundo. Brandt convértese n'O coleccionista, un dos criminais máis buscados. Gánsters e cazarrecompensas búscano para gañar os 100 millóns de dólares que se pagan pola súa captura. Un grupo de compañías de seguros contrata a Mike Kowalski, un detective privado e experto en roubos de arte, para resolver o caso.