Yoav, un mozo israelí, marcha a París coa esperanza de que Francia e os franceses o salven da loucura do seu país. Nada máis chegar á cidade, Yoav fica literalmente espido, sen posesións nin identidade. Renace así de cero, renegando de Israel e do hebreo, e estabelece unha intrincada e sensual relación co seu benefactor Émile e a súa moza Caroline.

O terceiro filme de Navad Lapid (A profesora de párvulos) gañou o Oso de Ouro ao Mellor Filme e o Premio FIPRESCI na Berlinale e o Premio a Mellor Dirección en Sevilla «pola súa enerxía, a súa busca de novas posibilidades na linguaxe cinematográfico e un cruce moi orixinal entre identidade lingüística e persoal», por esta comedia (autobiográfica) de morte e resurección que non dá puntada sen fío.