A primeira colaboración entre Roberto Rossellini e Ingrid Bergman é un retrato devastador da crise existencial dunha muller, co telón de fondo dunha fermosa e imponente illa volcánica. Logo da Segunda Guerra Mundial, unha refuxiada lituana (Bergman) casa cun pescador italiano (Mario Vitale) que atopa nun campo de prisioneiros de guerra e acompáñao de volta á súa aldea nunha illa fronte á costa de Sicilia. Illada do mundo e emocionalmente en ruínas pero destinada a unha epifanía dramática. Facendo equilibrios entre o neorrealismo marca da casa do director —exemplificado aquí nunha notábel representación da vida e traballo dos pescadores— e un profundo e sentido melodrama, Stromboli é toda unha revelación.