Tomka e os seus amigos xogan no seu campo de fútbol ata que un día os nazis invaden a vila e usan o campo como almacén de munición. A escenificación da guerra borra o xogo infantil, condición que o grupo non está disposto a aceptar. Ante a situación, Tomka e os seus secuaces acabarán confabulándose para recuperar o seu espazo de xogo tomado polos nazis. Keko utiliza esta aventura para falar da resistencia partisana na Segunda Guerra Mundial a nivel histórico, pero tamén da resiliencia na Albania contemporánea baixo o duro réxime estalinista de Enver Hoxha. Trátase dun filme de aspecto simple e naturalista, rodado en branco e negro cunha enorme carga poética.

Organizan Museo Reina Sofía e NUMAX | Sesión presentada por Denise Keko Andoni, neta da cineasta.