Steamboat Willie
Walt Disney & Ub Iwerks | 1928 | 8 min | B/N
A mítica curtametraxe que deu a coñecer o personaxe de Mickey Mouse e primeira peza da animación con son sincronizado da historia. A curta foi dirixida por Walt Disney xunto a Ub Iwerks, encargado do deseño do personaxe principal, un rato que pilota un barco de vapor até que o malhumorado Pete o bota da sala de control.

The Skeleton Dance
Walt Disney | 1929 | 6 min B/N
Dirigido por Walt Disney e animado por Ub Iwerks, trátase dunha das pezas máis celebradas das míticas Silly Symphonies. Na curta, un grupo de esqueletes bailan e crean música nun cemiterio; os esqueletes usan o son das árbores e dos animais para acompañar o seu baile.

Jack Frost
Ub Iwerks | 1934 | 9 min | COR
Os animais viven felices no bosque, pero coa aparición de Jack Frost chega o inverno e moitos animais teñen que agocharse nos seus refuxios. Porén, un pequeno oso non ten gana de hibernar e prefir ir en busca de aventuras.

Balloon Land
Ub Iwerks | 1935 | 7 min | COR
Moi enriba ni ceo flota Balloon Land, onde todos e todo son globos. As persoas, os animais, os árboles e ata as pedras están cheas unicamente de aire. Mesmo as estrelas de cinema, como Charlie Chaplin e Laurel e Hardy, son globos.

Summertime
Ub Iwerks | 1935 | 8 min | COR
O sol loce con forza para derreter o xeo do inverno e dese xeito poida chegar a primavera. Porén, o vello inverno non está disposto a marchar. Diferentes criaturas do bosque, faunos e centauros, uniranse para tentar expulsar o inverno ata o ano seguinte.

Sinbad the Sailor
Ub Iwerks | 1935 | 7 min | COR
Simbad loita contra un grupo de piratas nunha illa tropical pero un paxaro xigante vaino rescatar e o mozo aventureiro farase co tesouro dos piratas.

The Three Bears
Ub Iwerks | 1935 | 8 min | COR
Riciños de Ouro xoga no bosque co seu can ata que decide entrar en casa de tres osos, alí vai probar a súa comida pero cando chegan os tres osos son se aledan da presenza da nena.

Tom Thumb
Ub Iwerks | 1936 | 7 min | COR
Unha cegoña entrega un bebé non máis grande que un polgar a dous pais orgullosos. A pesar de que pasan os anos o neno non medra, pero o seu pequeno tamaño non lle impide axudar a seus paies nas súas tarefas diarias. Os problemas chegarán cando desobedezca a seu pai e saia ao mundo exterior.

Ali Baba
Ub Iwerks | 1936 | 7 min | COR
Ali Baba e o seu pai viven na pobreza pero un día que van a visitar os corenta ladróns, aproveitan un momento no que non están na cova e enchen os petos cos seus tesouros.