No Mediterráneo, o mar sobre o que se fundou a nosa civilización, miles de refuxiados agardan a que Europa os acolla. Ás portas do vello continente, loitan por manter viva a esperanza a pesar das precarias condicións baixo as que subsisten. Varados achégase á vida cotiá dos refuxiados de longa duración. En edificios ocupados en Atenas ou en campos de refuxiados espallados por todo o país, estes homes e mulleres seguen á espera dunha documentación que lles permita continuar coas súas vidas.