Biopic sobre Franz Jägerstätter, un labrego austríaco católico que se opuxo á anexión de Austria con Alemaña en 1938 e que se negou a cumprir o servizo militar obrigatorio. Por estes feitos foi xulgado e condenado a morte, sendo beatificado en 2007 polo Papa Benedicto XVI. Unha historia na que terá grande importancia a relación de Franz coa súa muller Fani, unidos contra os conflitos que se crearán na súa localidade, a súa igrexa e cos seus amigos máis achegados.

O director Terrence Malick (A delgada liña vermella, A árbore da vida), ponse aos mandos deste proxecto, coas actuacións de Matthias Schoenaerts (A rapariga danesa), Valerie Pachner (Bad Lucky), Bruno Ganz (O afundimento), Martin Wuttke (Malditos bastardos) e Maria Simon (Good bye, Lenin!).