Antes da caída do muro, Berlín occidental era o epicentro dun movemento artístico subterráneo do que Mark Reeder era un dos seus principais expoñentes. Natural de Manchester, Reeder viaxou a Berlín atraído pola súa escena musical e terminou no centro dunha xungla urbana en constante tensión política e cultural. Este documental é un collage realizado con videos caseiros de Reeder e material de arquivo que retrata o caos dese período, empezando cos punks e finalizando co Love Parade, nunha cidade onde todo parecía posíbel.