As películas que cobre este segundo volume sobre o cinema de Andy Warhol pertencen todas á súa época sonora e abarcan o período que vai desde 1965, ano de "Poor Little Rich Girl", até 1968, ano da súa derradeira película como cineasta, "Blue Movie".

Se o cinema de Warhol dos anos sesenta era puro, no senso de que non buscaba o beneficio económico (ao contrario que a súa pintura, que era a súa constante fonte de ingresos), o dos setenta (Morrisey e Johnson) é unha operación descaradamente comercial.

A evolución do cinema de Warhol cara a unha narratividade comercializábel non deixa de ser consecuente coas súas preocupacións humanistas. Se hai un concepto que poida definir o seu cinema é o de "retrato"; e do retrato á narración non hai máis que un paso. A súa obra constitúe un amplo retrato serial da sociedade estadounidense dos anos 60"

(do limiar)