Presentámosvos Filmes contra a guerra, un ciclo de películas que se teñen situado na vangarda do seu momento histórico ao denunciar a barbarie das guerras. Nun tempo como o actual, de escalada belicista e crimes contra a humanidade, parécenos especialmente acaído recuperar filmes que nos sirvan como ferramenta de pensamento crítico e firme oposición ás guerras.
