Durante o proceso creativo de A GRAFÍA DOS MAPAS, Emilio Araúxo e máis eu intercambiamos moitas cartas, ideas, pensamentos, sentimentos, fotos e mensaxes ao longo de varios anos e os dous sentimos que atopabamos o amparo dunha árbore baixo a que non era necesario falar, escribir nin facer poemas.

As fotos do entroido chegaban a min a través dos simpáticos carteiros e das amables carteiras que traballan no meu barrio compostelán. Nesa correspondencia atopei, e sigo atopando, o amparo e a forza para cantarlles ao Amor, á Terra e á Amizade.