Horarios: Luns a sábado (excepto martes) de 10:30 a 14:00 e de 16:00 a 20:30 / Martes de 16:00 a 20:30. Contacto: [email protected] / 981 560 250

Este artigo non está en tenda. Consulta a súa dispoñibilidade no teléfono 981560250 ou escribindo a [email protected]

García Negro, María Pilar

Ricardo Carvalho Calero:

Nada galego é alleo a Ricardo Carvalho Calero. Esta frase,
que recollemos da que el utiliza para definir o seu admirado
e querido Ramón Otero Pedraio, en artigo de homenaxe
póstuma que figura nestas páxinas, apropiámola e apómoslla
nós a el, como cifra dos textos da súa autoría que escolmamos
para dar conta -ben que mínima, significativa do
inmenso labor bibliográfico que a súa obra supón nas
letras galegas do século XX. Esta antoloxía así o certifica:
comprende un arco temporal de cincuenta e sete anos (de
1930 a 1987) e está integrada por artigos, ensaios, estudos
lingüístico-literarios, palestras, colaboracións en prensa periódica,
discursos...: seis décadas de dedicación continuada
á investigación, análise, interpretación, crítica e divulgación
da nosa lingua e literatura, nun labor incesante que non
ten parangón no seu tempo, para alén do valor, calidade e
versatilidade da súa obra de creación en todos os xéneros
literarios, tamén ao longo de toda a súa vida. Este volume
recolle, con fidelidade textual, unha parte fundamental da
súa produción, de interese para profesores, estudantes e público
en xeral. Son espello dunha fondura de coñecemento,
erudición, rigor documental e calidade de estilo que fan deles
leitura imprescindíbel como achega basilar ao tratamento
científico da nosa lingua, da nosa literatura e da cultura galega
en xeral.
Unha obra, en fin, que continúa a ser unha fonte ineludíbel
de instrución e de sabedoría para as galegas e galegos
de hoxe.
  • Editorial: Laiovento |
  • Páxinas: 298 |
  • Dimensións: 140x210 |
  • Idioma: Galego |
  • ISBN: 978-84-8487-460-7 |