A Antoloxía escolar da época Nós pretende ser unha ferramenta útil e didáctica para todos os estudantes que se acheguen a un dos períodos máis importantes da nosa literatura, o comprendido entre 1920 e 1936. O volume reúne textos, actualizados en canto a léxico e ortografía, imprescindibles para coñecer a ideoloxía e o pensamento das principais figuras da xeración Nós.
A escolma está especialmente indicada para os últimos cursos de ESO e Bacharelato, e inclúe un apartado con actividades, co que se procura que os lectores reforcen conceptos e consoliden coñecementos.