Diagnóstico
··· – – – ···

Morde as unllas con coidado
de non pasarme e converterme en caníbal

Morde os beizos
sen chegar a facer sangue
por medo ao vampirismo

Morde a lingua
con delicadeza
para non envelenarme sen querer

Nótase un desgaste avanzadoperda de esmalte nos incisivos
e bruxismo grave nos premolares
O máis rápido será unha retención metálica para as noites

Nótase todo menos que
mastigo de maneira compulsiva un
ese-o-ese en código morse