As bibliotecas infantís están cheas de libros sobre vampiros, zombis e monstros horripilantes, guerras apocalípticas e cataclismos de todas as clases imaxinábeis… Pois logo non pasará nada se incorporamos un libro que fale da democracia. Este libro publicado por Media Vaca foi pensado e escrito hai case corenta anos. Porén, a pesar do tempo transcorrido, todo o que di (do xeito máis claro e sinxelo posíbel) continúa a estar perfectamente vixente. Aos lectores máis novos daralles pistas para formular preguntas interesantes e aos maiores serviralles para refrescar ideas e para reafirmar convicións.