Por cuarto ano seguido, o Cinema NUMAX sae á rúa con dúas proxeccións ao aire libre que terán lugar o martes 25 e o mércores 26 de agosto no treito final da rúa Concepción Arenal, dentro do Festival C que organizan o Concello de Santiago e a Deputación da Coruña. Os filmes proxectados serán A invasión dos ladróns de corpos, de Don Siegel, e Caro diario, de Nanni Moretti. A entrada é libre e ambas proxeccións darán inicio ás 21:45h con reserva de cadeira desde as 21:15h.
