Este segundo volume recolle, seguindo unha ordenación cronolóxica, as narración escritas polo autor desde 1917 ata o final da súa vida. Inclúense os maxistrais lampexos narrativos dos seus cadernos de notas, os textos cos que no verán de 1920 Kafka retoma o seu traballo literario logo do período da enfermidade e as narracións das páxinas do seu diario contemporáneas á redacción da novela O castelo. Nun incesante buligar creativo, Kafka concive fantasías sorprendentes e iluminadoras a carón de descricións precisas e paradoxais.