En Caixa de música, o sarxento Fernández e a inspectora Lucía, ambos da Garda Civil, despois de Camiño negro e Sen alento, esta vez investigando a desaparición dun piano, un can e tres estatuas. Todo relacionado coas escuridades derivadas da crise das caixas de aforro galegas.

Paralelamente, un músico brasileiro, autor de famosas cancións de bossa nova, e Pascual, o creador do himno galego, tocan o piano ás agachadas na catedral compostelá, para asombro de quen di ser o Apóstolo, con quen mesmo discuten sobre cuestións musicais.

Igual que nas novelas anteriores, Ramón Area continúa a moverse entre asuntos de actualidade. Antes fíxoo na pandemia ou nas tramas eólicas. Agora é a desfeita das caixas de aforro o ambiente que acompaña os personaxes e todas as tramas desta novela.