Jesús Pereira Vilariño, mestre, tivo por oficio e paixón a ensinanza. Comeza o seu maxisterio durante a República nas escolas públicas, en especial en Santa Cruz de Ribadulla. Tras o golpe de estado é sancionado e separado do ensino. Durante algún tempo traballa noutros oficios ata que retoma a docencia-en centros privados- e remata a súa traxectoria profesional na Escola Normal de Santiago de Compostela.