A través do programa 28 Times Cinema, 28 mozos e mozas cinéfilas doutros tantos países europeos serán convidadas a participar do festival dunha forma activa, formando parte do xurado da sección Venice Days e desenvolvendo un traballo xornalístico que inclúe a elaboración de contidos para blogs e redes sociais.

Paralelamente as 28 persoas seleccionadas participarán no Premio LUX, un galardón outorgado polo Parlamento Europeo a aqueles filmes que mellor representan a diversidade cultural europea. Poderán ver os tres filmes finalistas e debater sobre os mesmos cos propios cineastas, facendo de embaixadoras dos seus respectivos países no Premio LUX 2017.

Para postularte tes que enviar un correo a [email protected] co asunto “28 Times Cinema 2017” e os seguintes elementos:

• Un vídeo selfie de non máis de 45 seguntos no que nos achegues en inglés a seguinte información: nome; cidade e país de orixe; falar dun dos últimos filmes que viras e o motivo polo que che gustou. O vídeo debe ser gravado na maior resolución posíbel e pode ser enviado por wetransfer.

• Encher o formulario de candidatura cuberto integramente en inglés e asinado. Descarga o formulario premendo aquí.

Ademais as persoas candidatas comprométense a:

• Estar presentes en Venecia do 28 de agosto ao 10 de setembro de 2017 (os gastos de viaxe e aloxamento corren a cargo do Parlamento Europeo e Europa Cinemas).

• Ser membros do xurado da sección Venice Days.

• Ver todos os filmes seleccionados no Venice Days e os candidatos ao Premio Lux.

• Participar en mesas redondas e debates con cineastas e outros convidados.

• Contribuír a un blog creado especialmente para o evento.

• Escribir un post diario para as redes sociais de Europa Cinemas.

• Ser un embaixador activo do Premio Lux nos eventos organizados logo do festival no país de orixe de cada participante.

Tedes até o mércores 19 de abril (incluído) para enviar as vosas candidaturas.

Apuntádesvos?