O xurado do premio Manuel Lueiro Rey salientou que en Exhumación, editado por Xerais, se sente «o tempero dunha voz moi afinada, chea de resonancias e lecturas que o autor soubo procesar para ofrecer unha aproximación ben persoal a temas e motivos entre os que a memoria dos desfavorecidos, represaliados e desherdados resulta decisiva».

Marcos Abalde conta cunha obra importante inzada de premios como o Josep Robrenyó, coa experimental Canibalismo ou o Premio Álvaro Cunqueiro acadado coa obra teatral A cegueira. Outros textos destacados do autor son A saga de Iacobsland ou Oenach.