Sinaturas de libros e descontos especiais para celebrar o Día do Libro
O 23 de abril sumámonos á celebración do Día do Libro con interesantes novidades e vantaxes. Haberá sinatura de libros a cargo de Suso de Toro, Berta Dávila e Carlos Meixide e un desconto especial dun 10% durante todo o día nas túas compras da Libraría, en tenda ou a través da web.
Achégase o Día do Libro, que neste 2021 será o venres 23 de abril, e na Libraría NUMAX celebrámolo cun desconto do 10% en todas as túas compras realizadas durante a xornada, tanto en tenda como a través da web. Ademais, ao longo do venres contaremos coa presenza de diferentes escritores e escritoras moi queridas para nós, que ofrecerán sinaturas dos seus libros. Esta é a grella do día.
- Suso de Toro, de 13:00 a 14:00 horas
- Berta Dávila, de 18:00 a 19:00 horas
- Carlos Meixide, de 19:30 a 20:30 horas.
Agardámoste!
