A Alameda de Santiago acolle un ano máis a Feira do Libro de Santiago! A feira está aberta en horario de 11.30 a 14.00 e de 17.30 a 21.00 horas. Todas as persoas que se acheguen contarán con descontos do 10% en todos os libros, así como unha interesante programación especial no mesmo espazo.

Este evento está organizado pola Federación de Librarías de Galicia, baixo o lema "Movémonos cos libros". A caseta da Libraría NUMAX, que participa do xoves 2 ao domingo 5 de maio, acollerá as firmas de Federico (Triqueta Edicións) con Jesús Castro Yáñez o venres 3 de maio ás 18h00; Pilar García Rego firmará o seu poemario WAR IS OVER (Medulia Editorial) o venres 3 de maio ás 19h00 e, por último, o sábado 4 de maio ás 19h00 Afra Torrado firmará exemplares do cómic Fago o que podo e Rosendo Cid exemplares do libro de artigos O señor H, ambas publicacións da editorial Rodolfo e Priscila. Podedes consultar todas as actividades e presentacións pinchando aquí.