Hai algo moi perigoso, e é collerlle medo ás palabras. Entón deixas de dicilas, e quedan dentro de ti como un pelo mal arrincado que se converte en forúnculo. Que sentes? Como estás? Di algo que non sexa ben ou mal. Forúnculo, forúnculo, forúnculo.

Editado por Sabina Urraca, Seismil narra sen chegar a unha conclusión, sinala a un lado e ao outro sen que se cerna sobre el o dedo ditatorial do importante, desfaise dos grandes nós dramáticos e móstranos a dor e o desconcerto coa aparencia que teñen en realidade: desde fóra parecen unha corda normal, a da vida, dando comba sen deterse.

Laura C. Vela (Madrid, 1993) é fotógrafa e editora, Técnico Superior de Artes Plásticas e Deseño en Fotografía, graduada en Filosofía, diplomada en Estudos Chinos e mestrado en Desenvolvemento de Proxectos Artísticos coa escola BlankPaper. Foi artista seleccionada en Plat(t) form – Fotomuseum Winterthur en 2018. En maio de 2019 publicou o fotolibro Como la casa mía coa editorial Dalpine, finalista a Mellor Libro de Fotografía do Ano por PhotoEspaña na categoría nacional. Tamén publicou Vorhandenheit (2014), Las simples cosas (2020), Siempre van solos, los bichos (2021) xunto a Suso Mourelo e treinta (2024) xunto a Xirou Xiao. Expuxo en numerosas entidades como PENUMBRA FOUNDATION (Nueva York), Galería Junior High (Los Ángeles) ou CentroCentro Madrid, La Madraza ou Sala El Águila, entre outras. En 2023 foi unha das cinco artistas seleccionadas por España para o programa europeo Futures Photography. Desde 2021 dirixe o proxecto multidisciplinar Esto es un cuerpo. O mesmo ano co-fundou a editorial independente Comisura, onde publica discursos híbridos, organiza encontros culturais e imparte talleres. Seismil é o seu primeiro libro feito únicamente con palabras.