En marzo de 2015 o noso proxector prendía por vez primeira para alumar a pantalla coa copia recén restaurada de Nubes pasaxeiras presentada polo noso querido Aki Kaurismäki. Desde entón fomos numerando cada folla de sala que acompaña as nosas estreas até chegar aos 4 díxitos na estrea de Nope. Para agradecer os voso apoio, sen o cal estes mil felices encontros non serían posibles, imos celebrar dous sorteos nos que poderás participar coa túa entrada ao filme de Jordan Peele.

O venres 26 ás 19:30 faremos un primeiro sorteo de 1 entrada dobre para calquera sesión da nosa carteleira á que optarás automaticamente coa túa entrada. Ademais nos pases da primeira semana de Nope imos colocar unha urna á saída de cada sesión e entre todas as entradas depositadas sortearemos 1 abono anual (ou unha renovación gratuíta se xa es abonada) co que poderás acceder á sala de cinema por só 4€ durante 12 meses e gozar dun desconto do 5% nas túas compras da Libraría.

Por moitos filmes máis!