O acto poderase seguir en directo a través da canle Youtube do Festival e contará coas intervencións de Beatriz Navas (directora do ICAA), Irene Anxo Echeverri (responsable de Europa Cinemas para España), Javier Pachón (vicepresidente de PROMIO) e Ramiro Ledo (presidente de PROMIO).

Ademais, está prevista a participación de Lucía Recalde (Xefa da Unidade Europa Creativa MEDIA - DG Connect da Comisión Europea), así como dos representantes europeos de asociacións irmás, como François Aymé (AFCAE - Francia), Christian Brauer (CICAE - internacional - e AGKINO - Alemaña), Domenico Dinoia (FICE - Italia), Fatima Djoumer e Claude-Eric Poireaux (Europa Cinemas).

PROMIO é unha nova asociación creada por un grupo de exhibidores coa idea de representar a todos aqueles cinemas en España que defenden a diversidade cultural na exhibición cinematográfica.

Esta diversidade reflíctese na cota de pantalla dedicada a películas españolas, europeas e de terceiros países infrarrepresentados no cómputo da cota de pantalla anual, cuxa presencia é maioritaria nas pantallas dos asociados.

O obxectivo principal é defender esta diversificación cinematográfica, así como axudar a mellorar o sector, fomentar a versión orixinal e/ou subtitulada; potenciar a alfabetización audiovisual; impulsar medidas de estímulo económico; defender a experiencia cinematográfica en sala á vez que fortalecer a relación cos demais sectores da creación e a industria; promover a innovación nos modelos de negocio, a tecnoloxía e contidos e a defensa da sustentabilidade ambiental aplicada ás salas de cinema.

Xunto a NUMAX, PROMIO conta polo momento coa participación de exhibidores cinematográficos como DUPLEX CINEMA (Ferrol), CINEMA ESTUDO CBA (Madrid), CINECIUTAT (Palma de Mallorca), CINEMES XIRONA (Barcelona), ZUMZEIG (Barcelona), CINEMA TRUFFAUT (Xirona), CINEMA EMBAIXADORES (Madrid), CINEMA EDISON (Granollers) ou CODEX CINEMA (Lugo), entre outros.

Ademais, confirmaron a súa presenza FEDICINE, ADICINE, Próxima, Federación Pantalla, AEVOD e PROA.