Roberta Vázquez é unha das ilustradoras de cómic máis reputadas e este é o seu primeiro cómic infantil. Cun universo persoalísimo, vándalo a máis non poder, onde o humor e a celebración do absurdo son os grandes protagonistas. A medio camiño entre cómic (viñetas) e libro de lectura, un debut divertidísimo, intelixente e tamén moi tenro. Unha celebración da amizade, de vivir en comunidade e de axudarse os un aos outros.

Érase unha vez unha casa, unha casa marabillosa: tiña xardín, faiado e soto. Só lle faltaba unha piscina. E os habitantes… eran boa xente, aínda que ás veces podían ser un pouco estrafalarios. Ou directamente un auténtico desastre… porque o habitual era que a liasen ben parda. O que é seguro é unha cousa: nesta casa é imposible aburrirse.

Roberta Vázquez é ilustradora e debuxante de cómics. Vive e traballa en Barcelona. Colaborou con medios como Vice, El Jueves, El País Semanal, Marie Claire, Glamour, Cáñamo… En 2019 publicou o seu primeiro cómic ¡Socorro!, coa editorial Apa-Apa. Tamén autoedita os seus fanzines e traballa como ilustradora freelance.