Noite de Samaín con «Andei cun zombie» e «O último late night»
Por segundo ano consecutivo a Noite de Samaín chega á nosa pantalla con dúas suxestivas propostas que se alongarán máis aló da medianoite do xoves 31 de outubro: Andei cun zombie, de Jacques Tourneur, e O último late night, de Cameron e Colin Cairnes. Se asistes ao programa completo poderás gozar de ambas películas por un prezo reducido de 9€, que, no caso das abonadas, será de 7€. Oferta válida só para as entradas mercadas en billeteira.
Xoves 31 de outubro ― 22:00h
Andei cun zombie (I Walked with a Zombie, Jacques Tourneur, 1943)
Vudús, zombies e maxia negra danse cita nunha illa misteriosa do Pacífico neste filme de culto do terror de serie B, dirixido polo xenial Jacques Tourneur (director d'A muller pantera) e producida por Val Lewton. Unha obra visualmente sobrecolledora e moi influente para cineastas contemporáneos como Pedro Costa ou Mati Diop.
Xoves 31 de outubro ― 23:30h
O último late night (Late Night with the Devil, Cameron e Colin Cairnes, 2023)
Dun clásico dos 40 a outro que promete converterse nun título de culto contemporáneo. Na noite de Halloween de 1977, o caos desátase cando o presentador Jack Delroy entrevista a unha parapsicóloga e a unha moza adolescente que é a única supervivente dunha matanza masiva nunha igrexa satánica.
- Hoxe
- Ver máis
-
-
-
As margaridas
VOSE
-
-
No Other Land
VOSE
-
-
Emilia Pérez
VOSE
-
-
Bird
VOSG
