De la moral terrestre entre las nubes recolle unha ampla antoloxía de ensaios breves que Santiago Alba Rico veu elaborando nos últimos anos. El afirma que xa non existen filósofos. Sen embargo, a súa obra expresa a vontade titánica de espertarse cada mañá antes de que esperten as cousas —esas que xa nunca se deitan— e constitúe unha das miradas máis afiladas, máis profundas, máis brillantes y máis literarias arredor do noso mundo e as súas encrucilladas. Esta actividade, a primeira presentación do ano 2024, será o xoves 11 de xaneiro ás 20:00h, na que o autor estará acompañado polo investigador e docente Germán Labrador. A entrada é libre ata completar aforo.

Santiago Alba Rico é escritor e ensaista. Estudou filosofía na Universidade Complutense de Madrid. Foi guionista nos anos 80 do mítico programa de televisión La bola de cristal e publicou máis de vinte libros sobre política, filosofía e literatura, así como tres contos para nenos e unha obra de teatro. Colaborou e colabora con distintos medios de comunicación (Público, Ctxt, Ara, eldiario.es, El País, entre outros). Os seus últimos libros chámanse España (Lengua de Trapo, 2021) e Catorce palabras para después del capitalismo (Ctxt, 2023). En Pepitas, ademais deste libro, publicou ¡Viva el Mal, viva el Capital!.