Petrini, filósofo de profesión, é detido pola Securitate (a policía do réxime) na súa tranquila residencia e sometido a unha investigación por culpa dunha carta interceptada que un dos seus antigos compañeiros de facultade remataba cunha broma parva, habitual entre eles: “agardo ordes”. A experiencia de estar preso e, máis tarde, encerrado entre os muros igual de herméticos da “liberdade” amplían o horizonte filosófico do heroe.